नेपाली कम्युनिस्ट पार्टीका संयोजक पुष्पकमल दाहाल प्रचण्डले कम्युनिस्ट आन्दोलनलाई नयाँ शिराबाट एकताबद्ध गर्न आवश्यक रहेको बताएका छन्।
कम्युनिष्ट नेता निर्मल लामाको २६ औँ स्मृतिका अवसरमा २०८२ साल वैशाख २७ गते आइतबार पेरिसडाँडामा आयोजित कार्यक्रममा प्रचण्डले भने, ‘अब हामीले फेरि नयाँ परिस्थितिमा आन्दोलनलाई नयाँ शिराबाट एकताबद्ध गर्ने ऐतिहासिक दायित्व हाम्रो काँधमा छ।’
सरकारले गणतन्त्रका उपलब्धि र श्रमजीवी वर्गमाथि नै सबैभन्दा धेरै प्रहार गरिरहेको आरोप लगाउँदै प्रचण्डले कम्युनिस्टहरू एकताबद्ध हुनुपर्नेमा जोड दिए।
‘त्यसो गर्न सकिएन भने निकै अप्ठ्यारो अवस्था आउन सक्छ। सबैभन्दा बढी त राष्ट्रिय स्वाधीनता निकै अप्ठ्यारो ठाउँमा पुगेको देखिएको छ। कम्युनिस्ट आन्दोलनलाई संकटमा धकेल्ने कसरतहरू भएरहेका छन्,’ प्रचण्डले भने ।
कार्यक्रमका अर्का विशिष्ट वक्ता कमरेड मोहनविक्रम सिंहले निर्मल लामासँगका सहकार्यको सम्झना गर्दै भने 'पछि त्यो बेला भारतमा देखापरेको नक्सलवादी आन्दोलनको हाम्रो पार्टीमा परेको असरका कारणले हाम्रो पार्टीमा पनि उग्र ‘वामपन्थी’ प्रवृत्तिहरू देखापरे र हाम्रो पार्टीमा फुट भयो । त्यो उग्र ‘वामपन्थी’ भड्कावका विरुद्ध पनि कामरेड लामा र हामीले सँगसँगै कडा सैद्धान्तिक, राजनीतिक र सङ्गठनात्मक सङ्घर्ष गरेका थियौँ ।'
कार्यक्रममा इन्द्रेणी सांस्कृतिक समाजका अध्यक्ष वीरप्रसाद भन्सारीले श्रद्धाञ्जलिस्वरूप 'ढुङ्गाको शालिक ढल्दैमा मेरो छातीको ढल्दैन' बोलको गीत प्रस्तुत गरेका थिए ।
निर्मल लामा लामा स्मृति प्रतिष्ठानका अध्यक्ष कामरेड लीलामणि पोखरेलको सभापतित्वमा भएको कार्यक्रममा स्वागत मन्तव्य प्रतिष्ठानका उपाध्यक्ष दीनानाथ शर्माले राखेका थिए । कार्यक्रमको संचालन प्रतिष्ठानका सचिवालय सदस्य मातृका पोखरेलले गरेका थिए ।
000
No comments:
Post a Comment